Gusak

Suv sotish nuqtalari uchun

Loyiha haqida

Gusak — suv sotish nuqtasi faoliyatini hisobga olish uchun Telegram Mini App. Unda sotuv va kassa, xarajatlar, suv yetkazuvchi bilan hisob-kitob va hisobotlar yuritiladi. Tizimning ikkinchi qismi — schyotchik qurilmasi: ESP32 platasiga o‘rnatilgan dastur suv o‘lchagich ko‘rsatkichini Wi-Fi orqali ilovaga o‘zi yuboradi, shunda raqam qo‘lda yozilmaydi. Biznes egasi «boss» operatorlarni taklif havolasi orqali qo‘shadi.

Imkoniyatlar

Sotuv va kassa hisobi
Xarajatlar
Suv yetkazuvchi bilan hisob-kitob
Schyotchik qurilmasi bilan ishlash
Boss va operator rollari
Hisobotlar
Obuna va tizim hisobi (Payme, Click)

Kompyuter uchun ilova

Savdo nuqtasidagi kompyuterda ishlash uchun. Telegram va brauzer versiyasi o‘z holicha qoladi.

Suvsotar — savdo nuqtasi kompyuteri uchun

Suvsotar ish stoli interfeysini alohida dastur oynasida ochadi: brauzer panellari, manzil qatori va boshqa varaqlar ko‘rinmaydi, o‘z profili bilan to‘liq ekranda ishlaydi. Ichida o‘sha veb interfeys ishlagani uchun yangilanish o‘zi keladi — dasturni qayta o‘rnatish kerak emas.

Windows · Edge yoki Chrome o‘rnatilgan bo‘lishi kerak · 41 KB · versiya 1.0.0.0

Yuklab olish

Fayl raqamli imzolanmagan, shuning uchun Windows ogohlantirish ko‘rsatishi mumkin. Bunday holda qo‘shimcha ma’lumotni ochib, dasturni ishga tushirishga ruxsat bering.

Faylni tekshirish uchun SHA-256: 1D1627AF68782BE5F532CFA2D2FC6E8C19A0E4F5B0A9A6452DB7CEC8267526E2

Telegram bot

Mini App shu bot orqali ochiladi.

Suvsotar — Gusak boti@gusak_suvbot

Qurilmaga dastur o‘rnatish

Versiya 0.5.0 · ESP32 (ESP32-WROOM-32, DevKit)

Nima kerak

ESP32 platasi, ma’lumot uzatadigan USB kabel (faqat zaryadlaydigani yaramaydi) va kompyuterda Chrome yoki Edge brauzeri. Telefonda va Telegram ichida o‘rnatish tugmasi ishlamasligi mumkin.

1
Dasturni o‘rnatish
Platani USB kabel bilan kompyuterga ulang va o‘rnatish tugmasini bosing. Ochilgan oynada portni tanlang (CP210x, CH340 yoki USB Serial) → Connect → Install Gusak → Install. 1–2 daqiqa kuting, oxirida Installation complete chiqadi.
Erase device savoli: yangi plata yoki boshqa mijozga o‘tkazilayotgan plata uchun belgilang — hammasi tozalanadi. Shu mijozning platasiga qayta o‘rnatayotgan va Wi-Fi sozlamalari saqlansin desangiz — belgilamang. Port ro‘yxatda chiqmasa, boshqa kabel yoki boshqa USB uyasini sinang; o‘rnatish boshlanmasa, BOOT tugmasini bosib turib qayta urinib ko‘ring.
2
Qurilmani mijozga ulash
Platani tokka ulang — u Gusak-XXXX nomli Wi-Fi tarmog‘ini ochadi, paroli gusak12345. Telefondan shu tarmoqqa ulaning, sozlash sahifasi o‘zi ochiladi (ochilmasa — 192.168.4.1). Boss ilovasida: Sozlamalar → Schyotchik qurilmasi → «Yangi qurilma ulash» — ilova 8 raqamli kod beradi, u 30 daqiqa amal qiladi. Sozlash sahifasida mijozning Wi-Fi tarmog‘ini tanlab, parolini va kodni yozing → Saqlash.
Bir daqiqa ichida qurilma boss ilovasida «ulandi» deb chiqadi. Chiqmasa, Gusak-XXXX tarmog‘i yana paydo bo‘ladi: unga ulanib xato sababini ko‘ring — Wi-Fi paroli yoki kod noto‘g‘ri.

Keyingi yangilanishlar Wi-Fi orqali keladi: boss ilovasidagi «Qurilma dasturini yangilash». Qurilmani qayta sozlash kerak bo‘lsa, platadagi BOOT tugmasini 5 soniya bosib turing.

O‘rnatish sahifasini ochishO‘rnatish kompyuterda, Chrome yoki Edge brauzerida bajariladi.