Ilovani noldan yozdirish, dasturchi yollash, server ko‘tarish shart emas. Bizning tizimimiz sizning nomingiz va logotipingiz bilan chiqadi: mijoz sizning brendingizni ko‘radi, texnikani biz ko‘taramiz.
Quyidagi ikkita surat — ayni bir ekran, ayni bir server, ayni bir buyurtmalar. Farqi faqat brendda.
Bizning ilovamizSherigimizning ilovasi
Bu taxmin emas: «Fast Go Taxi» shu shaklda allaqachon ishlayapti. Yo‘l sinalgan, siz birinchi bo‘lmaysiz.
Nima sizniki bo‘ladi
Foydalanuvchi ko‘radigan hamma belgi — sizniki.
Ilova nomi: telefondagi yorliqda ham, ilova ichida ham
Ikonka: oddiysi, adaptivi va Play uchun katta nusxasi
Ochilish ekrani — Android’ning yangi versiyalari uchun alohida nusxasi bilan
Logotip: ochilishda va «Ilova haqida» ekranida
Urg‘u rangi — tugmalar, belgilar, doiralar; logotipingizdan olinadi
Bosh ekrandagi doiradagi harf — brendingizning bosh harfi
O‘z Telegram botingiz: mijoz o‘sha botda ro‘yxatdan o‘tadi, ID va parol o‘shandan keladi
Telegram Mini App ham sizning logotipingiz bilan ochiladi
Play Market’da o‘z paket nomi va o‘z imzo kaliti bilan — alohida ilova
Nima bizda qoladi
Siz brendni va mijozni olib borasiz, og‘ir texnik tomonni biz ko‘taramiz.
Server, baza va ularning uzluksiz ishlashi
Yangi imkoniyatlar — hammaga birdaniga, sizning ilovangizga ham
Xavfsizlik va muntazam yangilanishlar
Xarita, GPS va to‘lov tizimlari bilan integratsiya
Xatolar, texnik savollar va qo‘llab-quvvatlash
Foiz qanday hisoblanadi
Hisob-kitob aniq qoidaga qurilgan — bahsga o‘rin qolmaydi.
Buyurtma sizning ilovangizdan bajarilsa — foiz sizga yoziladi
Buyurtmani sizning haydovchi ilovangizdagi haydovchi bajarsa — foiz yana sizga
Brend serverda aniqlanadi, shuning uchun uni soxtalashtirib bo‘lmaydi
Qanday boshlanadi
1
Kelishuv
Brend nomi, hudud va foiz stavkasi yozma kelishiladi.
2
Brend materiallari
Sizdan faqat uch narsa: nom, logotip va asosiy rang. Qolganini biz tayyorlaymiz.
3
Ilova yig‘iladi
Ikonka, ochilish ekrani, ranglar va botingiz ulanadi. Tizim kodi o‘zgarmaydi — faqat ustidagi brend qatlami.
4
Sinov
Ilovani o‘zingiz sinab ko‘rasiz; tuzatish kerak bo‘lsa kiritiladi.
5
Chiqarish
Google Play’ga biz o‘z hisobimizdan chiqaramiz — sizda Play hisobi bo‘lishi shart emas. App Store’ga esa ilova sizning Apple hisobingizdan kiritiladi; iOS nusxasi hozir tayyorlanmoqda. Shu bilan birga Telegram boti va Mini App ishga tushadi.
Agent bo‘lish uchun davlat ro‘yxatidan o‘tgan bo‘lishingiz shart: yakka tartibdagi tadbirkor (YaTT) yoki «o‘zini o‘zi band qilgan» shaxs. Shartnoma va to‘lovlar shu asosda rasmiylashtiriladi.
Boshlashga tayyormiz
Brend agentlik har bir sherik uchun alohida kelishiladi: qaysi mahsulot, qaysi hudud, qanday stavka. Yozing yoki qo‘ng‘iroq qiling — batafsil gaplashamiz.
