Jarima maydoni

Daftar-ruchka o‘rniga tizim: qabul, saqlash, hisob-kitob va hisobotlar bir joyda

Loyiha haqida

Jarima maydoni — evakuatsiya qilingan yoki saqlashga qo‘yilgan avtomobillarni qabul qilish, saqlash va hisob-kitobini yuritish bilan shug‘ullanadigan tadbirkor va korxonalar uchun tizim. Bu xizmatning og‘rig‘i doim bitta joydan chiqadi: yozuv daftarda yuritiladi, saqlash kunlari va to‘lov qo‘lda hisoblanadi. Daftar yo‘qoladi, qo‘l yozuvi o‘qilmaydi, bitta mashinaga ikki xil summa aytiladi — va eng yomoni, xato kimdan chiqqanini aniqlab bo‘lmaydi. Tizim shu inson omilini o‘rtadan olib tashlaydi: har bir avtomobil o‘z kartochkasida ochiladi, saqlash kunlari yarim kechada o‘zi qo‘shiladi, to‘lov o‘zi hisoblanadi, evakuator masofasi xarita bo‘yicha o‘zi o‘lchanadi, har bir pul harakati esa kim tomonidan qilingani bilan yozilib qoladi. YPX uchun oylik hisobot ham oy yakunida shu yozuvlardan o‘zi yig‘iladi — jadval qo‘lda to‘ldirilmaydi. Natijada rahbar daftar so‘ramaydi — telefonidan qaraydi.

Imkoniyatlar

Avtomobilni qabul qilish va chiqarish jurnali
Saqlash kunlari o‘zi sanaladi — har yarim kechada +1
To‘lov o‘zi hisoblanadi, kvitansiya chiqadi
Evakuator masofasi xaritadan o‘zi olinadi
Rasmlar bulutda saqlanadi, rahbar uchun galereya
Kassa harakati va bankka topshirish
Rollar: hisobchi-kassir, rahbar, evakuatorchi
Dalolatnoma Word shaklida tayyor chiqadi
YPX uchun oylik hisobot o‘zi shakllanadi — Excel, QR-kod
Kvitansiya Telegram orqali parolsiz ochiladi
Uch til (kirill, lotin, ruscha) va qorong‘u rejim

Nima o‘zgaradi

Daftar va ruchka

Daftar bilan: Yozuv daftarda: qo‘l yozuvi o‘qilmaydi, daftar yo‘qolsa tarix ham yo‘qoladi.
Tizimda: Har bir avtomobil o‘z kartochkasida — tarix saqlanadi va qidiriladi.

Saqlash kunini sanash

Daftar bilan: Kunni xodim o‘zi sanaydi — bir kun kam yoki ortiq ketadi.
Tizimda: Kun yarim kechada o‘zi qo‘shiladi, qoida hammaga bir xil.

To‘lov summasi

Daftar bilan: Kalkulyator va yoddagi hisob — mijoz bilan bahs.
Tizimda: Summa o‘zi hisoblanadi va kvitansiyada yozilgan turadi.

Inson omili

Daftar bilan: Xato yoki kamomad kimdan chiqqani aniqlanmaydi.
Tizimda: Har bir harakat kim va qachon qilgani bilan yoziladi.

Hisobot

Daftar bilan: YPX uchun oylik jadval oy oxirida qo‘lda to‘ldiriladi, bir kun ketadi.
Tizimda: Hisobot o‘zi shakllanadi — Excel va QR-kod tayyor.

Rahbar nazorati

Daftar bilan: Maydonga borib, daftarni so‘rash kerak.
Tizimda: Telefondan ko‘rinadi: qancha mashina, qancha pul, qaysi rasm.