Umumiy ovqatlanish

Choyxona, restoran va kafelar uchun: ofitsiant, oshxona, kassa va ombor

Loyiha haqida

Umumiy ovqatlanish — choyxona, restoran va kafelar uchun hisob tizimi. Bitta tashkilot ostida bir nechta savdo nuqtasi bo‘lishi mumkin: har birining o‘z menyusi, zali, terminallari va kassasi. Ish zanjiri oddiy: ofitsiant stolni ochib taom qo‘shadi va oshxonaga yuboradi, oshpaz «Tayyor» deydi, ofitsiant hisob beradi, kassir to‘lovni qabul qiladi. Har bir muhim amal jurnalga tushadi — kim, qachon, qaysi terminaldan. Xodimlar terminalda o‘z PIN-kodi bilan ishlaydi, boshqaruvchi esa hammasini brauzerdagi paneldan ko‘radi.

Imkoniyatlar

Ofitsiant → oshxona → kassa zanjiri bitta tizimda
Stollar rangi bilan: bo‘sh, band, hisob berilgan
Oshxona ekrani yoki 58 mm chipta
Kassa: naqd, karta, Click, Payme; smena yopilishi
Menyu, stop-list va bir nechta oshxona
Xodimlar, rollar va PIN — kim nima qila oladi
Terminallar 8 belgili ulash kodi bilan ulanadi
Ombor: kirim, chiqim, qoldiq va «ko‘r sanash» inventarizatsiyasi
Stol QR kodi — xo‘randa o‘zi buyurtma beradi
Telegram bot va Mini App: chaqiruvlar, ofitsiant ekrani
Amallar jurnali — kim, qachon, qaysi terminaldan
To‘rt til: o‘zbek (kirill va lotin), rus, ingliz

Qanday boshlash

Ro‘yxatdan o‘tish bepul va bir necha daqiqa vaqt oladi. SMS kutish shart emas — raqam Telegram orqali tasdiqlanadi.

1
Ro‘yxatdan o‘ting
https://obshipit-hisob-e31da280a7aa.herokuapp.com/register sahifasini ochib «Telegram orqali tasdiqlash»ni tanlang. Ochilgan botda «Start» va «Raqamni yuborish» tugmasini bosasiz.
2
Tashkilotni oching
Saytga qaytib ismingizni, tashkilot va birinchi savdo nuqtasi nomini, parolni kiritasiz. 14 kun bepul sinov shu yerdan boshlanadi.
«Terminallar uchun PIN’ingiz» bir marta ko‘rsatiladi — o‘sha zahoti yozib oling.
3
Menyu va zallarni to‘ldiring
Namuna menyudan boshlasangiz bo‘ladi, keyin taom va narxlarni o‘zingizga moslaysiz. Zal va stollarni qo‘shasiz — stol raqamlari o‘zi davom etadi.
4
Xodimlarni qo‘shing
Har bir xodimga rol berasiz, PIN-kodni tizim o‘zi yaratadi. Xodim terminalda faqat shu PIN bilan ishlaydi.
5
Terminalni ulang
«Terminallar» bo‘limida terminal qo‘shasiz — 8 belgili kod chiqadi, u 24 soat amal qiladi. Kodni terminalning o‘zida kiritasiz.
POS monoblokka quyidagi dasturni o‘rnatsangiz, terminal to‘liq ekranda ochiladi.

Ekranlar

Nima o‘zgaradi

Buyurtma yozuvi

Daftar bilan: Ofitsiant daftarga yozadi, qog‘oz yo‘qoladi, taom esdan chiqadi.
Tizimda: Stol ekranda ochiladi, taom oshxonaga chipta bo‘lib boradi.

Oshxona bilan aloqa

Daftar bilan: Og‘zaki aytiladi, shovqinda eshitilmaydi.
Tizimda: Chipta ekranda yoki qog‘ozda; tayyor bo‘lgach ofitsiant terminalida belgi chiqadi.

Kassa

Daftar bilan: Kun oxirida hammasi qo‘lda sanaladi.
Tizimda: Smena yopilganda hisob o‘zi chiqadi, farq darhol ko‘rinadi.

Xodim nazorati

Daftar bilan: Kim bekor qildi, kim chegirma berdi — bilib bo‘lmaydi.
Tizimda: Har bir amal jurnalda: kim, qachon, qaysi terminaldan.

Ombor

Daftar bilan: Mahsulot qancha qolganini faqat taxmin qilish mumkin.
Tizimda: Kirim-chiqim va qoldiq yoziladi; inventarizatsiyada sanayotgan odam hisobdagi raqamni ko‘rmaydi.

Xo‘randa kutishi

Daftar bilan: Ofitsiantni chaqirish uchun qo‘l ko‘tarib o‘tiriladi.
Tizimda: Stol QR kodi: xo‘randa o‘zi buyurtma beradi, ofitsiantni chaqiradi, hisob so‘raydi.

Kompyuter uchun ilova

POS monoblok yoki oddiy kompyuterga o‘rnatiladi. Planshet va telefonda terminal brauzerda ham ishlayveradi.

POS terminal dasturi (Windows)

Terminal interfeysi saytda turibdi — bu kichik dastur uni Edge yoki Chrome’da to‘liq ekranda, manzil qatorisiz ochadi. Birinchi ishga tushirilganda ish stoliga va avtoyuklashga belgi qo‘yadi, brauzerni alohida profilda ochadi: shunda terminalning ulash kodi saqlanib qoladi. Cheklar oyna chiqmasdan chop etiladi. Dasturni yangilab turish shart emas — tizim yangilansa, terminal yangi versiyani o‘zi oladi. Chiqish — Alt+F4.

Windows · Edge yoki Chrome · printer Windows’da asosiy bo‘lsin (qog‘oz 58 mm) · 11 KB · versiya 1.1.0.0

Yuklab olish

Fayl raqamli imzolanmagan, shuning uchun Windows ogohlantirish ko‘rsatishi mumkin. Bunday holda qo‘shimcha ma’lumotni ochib, dasturni ishga tushirishga ruxsat bering.