Жарима майдони

Дафтар-ручка ўрнига тизим: қабул, сақлаш, ҳисоб-китоб ва ҳисоботлар бир жойда

Лойиҳа ҳақида

Жарима майдони — эвакуация қилинган ёки сақлашга қўйилган автомобилларни қабул қилиш, сақлаш ва ҳисоб-китобини юритиш билан шуғулланадиган тадбиркор ва корхоналар учун тизим. Бу хизматнинг оғриғи доим битта жойдан чиқади: ёзув дафтарда юритилади, сақлаш кунлари ва тўлов қўлда ҳисобланади. Дафтар йўқолади, қўл ёзуви ўқилмайди, битта машинага икки хил сумма айтилади — ва энг ёмони, хато кимдан чиққанини аниқлаб бўлмайди. Тизим шу инсон омилини ўртадан олиб ташлайди: ҳар бир автомобил ўз карточкасида очилади, сақлаш кунлари ярим кечада ўзи қўшилади, тўлов ўзи ҳисобланади, эвакуатор масофаси харита бўйича ўзи ўлчанади, ҳар бир пул ҳаракати эса ким томонидан қилингани билан ёзилиб қолади. ЙПХ учун ойлик ҳисобот ҳам ой якунида шу ёзувлардан ўзи йиғилади — жадвал қўлда тўлдирилмайди. Натижада раҳбар дафтар сўрамайди — телефонидан қарайди.

Имкониятлар

Автомобилни қабул қилиш ва чиқариш журнали
Сақлаш кунлари ўзи саналади — ҳар ярим кечада +1
Тўлов ўзи ҳисобланади, квитанция чиқади
Эвакуатор масофаси харитадан ўзи олинади
Расмлар булутда сақланади, раҳбар учун галерея
Касса ҳаракати ва банкка топшириш
Роллар: ҳисобчи-кассир, раҳбар, эвакуаторчи
Далолатнома Word шаклида тайёр чиқади
ЙПХ учун ойлик ҳисобот ўзи шаклланади — Excel, QR-код
Квитанция Telegram орқали паролсиз очилади
Уч тил (кирилл, лотин, русча) ва қоронғу режим

Нима ўзгаради

Дафтар ва ручка

Дафтар билан: Ёзув дафтарда: қўл ёзуви ўқилмайди, дафтар йўқолса тарих ҳам йўқолади.
Тизимда: Ҳар бир автомобил ўз карточкасида — тарих сақланади ва қидирилади.

Сақлаш кунини санаш

Дафтар билан: Кунни ходим ўзи санайди — бир кун кам ёки ортиқ кетади.
Тизимда: Кун ярим кечада ўзи қўшилади, қоида ҳаммага бир хил.

Тўлов суммаси

Дафтар билан: Калкулятор ва ёддаги ҳисоб — мижоз билан баҳс.
Тизимда: Сумма ўзи ҳисобланади ва квитанцияда ёзилган туради.

Инсон омили

Дафтар билан: Хато ёки камомад кимдан чиққани аниқланмайди.
Тизимда: Ҳар бир ҳаракат ким ва қачон қилгани билан ёзилади.

Ҳисобот

Дафтар билан: ЙПХ учун ойлик жадвал ой охирида қўлда тўлдирилади, бир кун кетади.
Тизимда: Ҳисобот ўзи шаклланади — Excel ва QR-код тайёр.

Раҳбар назорати

Дафтар билан: Майдонга бориб, дафтарни сўраш керак.
Тизимда: Телефондан кўринади: қанча машина, қанча пул, қайси расм.